YAKU QUCHATA RUWANA JALLP'A

Imaraykutaq wakin chhiqankunapi challwata chayri ima yaku uywallatapis uywanapaqqa mana quchata chayri chay p’unquta ruwakuyta atinchuri?

Rosa Ortiz Mendez

Tukuy laya jallp’akuna kan. …mana allinchu jallp’a kan, chanta mana ruwayta atikunchu, p’unqukunata.

P’unqupaqqa sumaq jallp’a kanan tiyan, arcilloso ñisqa.

Matilde Delgadillo Soliz

Ñawpaqpi qhawarinanchik tiyan jallp’ata p’unqu ruwanapaqqa, kaytataq ñinku evaluación de suelos. Jinapis kay p’unqukunata ruwanapaq qhawana tiyan jallp’ata, waliqchu manachu chayta. Jallp’a t’iyujina, chaypi mana ruwankuchu, qhawaspa sumaqta jallp’ata. P’unquta ruwankuman chayqa, yaku lluqsimunman. P’unqu ruwanapaq jallp’aqa kanan tiyan arcilloso ñisqa. Jallp’a kanman arcilloso chay ruwakuyta atisunman p’unquta.

Eusebio Robles Ríos

Mana p’unqukunata ruwayta atikunmanchu maychus chay jallp’a mana allinchu kankuman… maypichus chay yaku anchata jallp’aman wasaykamun, mana chayjinakunapi p’unquta ruwakunmanchu.

Chantapis jallp’akuna arcilloso kanan tiyan, maychus chay infiltración ñisqata sumaqta jap’inan tiyan. Jinallataq arcilla limoso ñisqa apaykachakullantaq, maychus jallp’ata astawan ñatuspa chay infiltración ñisqata sayachillantaq. Ajinamanta chay chaninchay jallp’amanta, kay laya kananku tiyan, maychus p’unqukuna ruwakunanpaq. Mana chay laya jallp’a kasqanmanjinari, kaykuna mana sumaqtachu apaykachakunqa.

Freddy Tinuco Velasques

Kay q’uñi jallp’akunapi wakin chhiqankunapi mana jallp’a waliqchu p’unquta ruwanapaq, challwata uywanapaq, imaptinchus chay jallp’akunapi mana q’ita jallp’a kapunchu, chhanqa jallp’alla. Chaypiqa mana yaku sayanchu, pasarpapullan, mana chayqa, chinkapullan jallp’a ukhuman. Chayqa mana kusachu, imaptinchus ancha qullqilla lluqsin.

Edgar Panozo Characayo

Q’uñi jallp’api, wakin chhiqankunapi, jallp’api mana yaku sayanchu, chanta mana p’unqu allakunchu.

Elio Escalera Sejas

Mana p’unqukunata ruwakuyta atikunchu, imaptinchus wakin chhiqankunapi jallp’aqa mana llink’ichu kanku. Chanta chay jallp’akunaqa ancha jallp’arara jinapis rumirara kanku. Jinallataq p’unqukuna ruwakuptin mana sumaqtachu p’unqukuna ukhuyninkuta mat’inku. Challwakunata uywanapaq sumaqta p’unqukunata ruwananku tiyan, maypichus llink’i jallp’akuna kan chaypi.

Samuel Franco Gutierrez

Imaptinchus jallp’aqa mana llink’ichu, chayrayku mana p’unquta allayta atikunmanchu, challwata uywanapaq.

Elmer Claros Camacho

Wakin chhiqanpi qhawarispa, kay q’uñi jallp’api, p’unqu imaraykuchus mana ruwakuyta atikunchu. Chayqa, jinapis, wakin chhiqanpi ancha rumilla tarikun, chanta p’unqupi mana yaku sayayta atinmanchu. Wakin chhiqanpi mana yaku qayllapichu kaqjina, chay mana ruwankuchu. Chanta wakin chhiqanpiri ancha lamarara jallp’a tarikuptin, mana p’unqukuna ruwakunmanchu.